Kennslumál Kennsluþróun á Menntavísindasviði Háskóla Íslands
Hér er stutt fræðslumyndband [2:32 mín.] fyrir kennara þar sem farið er í hvernig þeir geta birt einkunnir og athugasemdir sem eru komnar í Canvas námsumsjónarkerfinu. Þeir geta þannig opnað fyrir að þeir nemendur sem eru búnir að fá endurgjöf sjái hana. Nóg er að komin sé athugasemd til að það opnist fyrir verkefnið í einkunnabók nemenda.
Þetta er gott að nota ef eru t.d. nokkrir nemendur sem hafa fengið samþykki fyrir seinum skilum. Þá er hægt að ljúka yfirferð verkefna fyrir þau sem skiluðu á réttum tíma og birta þeim einkunnir og endurgjöf. Hinir eru áfram með verkefnið falið í einkunnabókinni.
Leiðbeiningar
|
1. Byrjaðu á því að fullvissa þig um að þú sért með rétta birtingarstefnu, þe. að Birta einkunnir handvirkt. Til að athuga það smellir þú á stýrihjólið efst í hægra horninu.
|
|
2. Þá opnast glugginn Stillingar einkunnarbókar. Þar sem þú velur Einkunnabirtingarstefna. Þar á að vera valið Birta einkunnir handvirkt. Ef þetta er svona hjá þér, skaltu velja Hætta við sem er takki neðst hægra megin í glugganum, annars velja þetta og Vista.
|
|
3. Síðan ferðu í verkefnið í einkunnabókinni. Þar á að vera auga með striki yfir fyrir framan heitið sem þýðir að einkunnirnar eru faldar fyrir nemendum. Þú smellir á punktana þrjá fyrir aftan nafn verkefnisins. Þá kemur fellivalmynd, þú skrollar niður hana og velur Birta einkunnir.
|
|
4. Þá opnast gluggi ofarlega hægra megin. Þar velur þú Metið og smellir svo á takkann Birta. Þetta þýðir að þeir nemendur sem búið er að setja inn einkunnir hjá og/eða bara athugasemd(ir) við verkefnaskil, geta núna séð einkunnina sína og/eða athugasemd(ir).
|
